Rakhine ramthen chaklei Kyaudaw peng chung um SAC kut tang palek sakhan pakhat i palek hna cu an zapi in kahdoh nak zong zei hmanh a um lo nain nihin November 13 ah AA sin ah an hriam an chiah viar tiah theih a si.
Kyaukdaw in meng 10 tluk aa hlat nak Apauk-Wa khua um palek sakhaan in palek minung 16 hna cu an chungkhar dihlak he hriam an chiah caah AA nih an sakhaan cu an laak i hriam a chia mi le an chungkhar hna cu a himnak ah an kuat cuahmah hna tiah theih a si.
Kyaukdaw lei ah hin kahdoh nak tak tak cu a um rih lo nain AA lei nih hriam nan chiah lo cun kan in kah cang hnalai an ti hna caah a tu bantuk in hriam an chiah hi a si.palek zapi 16 le an chungkhar hna he an zapi ah minung 26 an si hna.meithal voi khat hmanh puak lo in AA nih an laak hi a si” tiin Kyaukdaw khuami pakhat nih Myanmar Now ah a chim.
