KNU Doapalaza District ,Brigade (6) hmunram chung ah September 1- 30 kar thlakhat chung KNLA, KNDO le SAC hna karah kahdohnak voi (51) a chuak i SAC ralhraang ralbawi hna telh in minung (79) an thi tiah KNU nih nizan October 13 ah a thanh
Kahdohnak fa le lian voi (51) a chuak i ralhraang sakhan pakhat laakpiak an si caah hriamnam le kuanzen tampi laak a si.Ralhraang hna a thimi chungin palek penguk bawi pakhat,battalion commander pakhat le palek bawi cheukhat hna telh in minung (79) an thi i hliamtuar minung (44) an si tiah an langhter.
KNLA ttangtiphu lei in pasaltha (2) nih nunnak an pek ve i (5) nih hliam an tuar. KNLA le KNDO nihin KNU brigade (6) hmunram chung ah a cawlcang mi ralhraang hna cu Hmaitonh ,Drone,Sniper le a thli in kahdoh nak an tuah hna.
SAC ralhraang lei zongnih mizapi hna tlaikhih,mizapi inn le lo hrawh le hramhram in mizapi umnak lei ah hriamngan kah tibantuk hna an tuah ve.Ralhraang hna nih ralhmai nawr ruang le kaphnih kar kahdoh nak ruang ah ralhrial dirhmun a phan mi zong nikhat hnu nikhat an i chap ve.
