KNLA phu nih nan rak kan kah cun khua chung ah hraimngan kan kah lai tiah တပ်ခွဲမှူး Myo Kyaw Myaint nih a thihphiah hna
Bilin peng, Wintarpan khua ah a um mi SAC ralkap sakhaan cu KNLA le a kuttang pawl nih nan rak kah cun khua chung cu hraimngan in kan kah lai tiah cu sakhaan bawi Myo Kyaw Myaint nih thihphiah nak bia a chim tiah KNU nih cathanh a chuah.
August 1 ah Wintarpan khua um khuami pawl cu sakhaan bawi ah tuanvo a ngeih mi စကခ(၈) kut tang ခမရ-၄၁၀ i တပ်ခွဲမှူး Myo Kyaw Myaint nih meeting a auh hna i a thihphiah hna tiah theih a si.
July 31 zaan sml 7 hrawng ah cu sakhaan cu KNLA phu nih an doh hna hnu ah တပ်ခွဲမှူး Myo Kyaw Myaint nih khuami pawl a thihphiah hna hi a si tiah KNU nih an langhter.
KNU nih an uknak hmun Bilin peng chung um Wintarpan le Laykay khua pawl ah hmunhma a la mi SAC ralkap le BGF phu pawl cu a rannak in chuah ding in KNLA le KNDO nih March thla khan ral rinnak an pek hna nain an chuah lo caah a tu le atute kahdohnak a chuah hi a si.(Crd.Khit Thit Media)
