Tuluk cozah tawlrel piak nak in SAC lei Naitonal Solidarity and Peace Negociation Committee (NSPNC) le ttangti phu 3 a si mi hna MNDAA,TNLA le ULA/AA hna cu January 10 le 11 hna ah Tuluk ram Kumin khua ah kahdaihnak ngol ding in ceihhmai nak an ngaih kong phu 3 hna nih tuzan January 12,slm 9:30 ah phung ning tein an hun thanh.
A tutan hi a voi thum nak a si an iton a si i tonnak a dih hnu ah lungtlinnak an hmuh mi hna cu
- 2024 January 11 zaan slm 9:00 thok in kaphnih ralkap hna karlak kahdohnak ngol ding.
- Kaphnih kar i hnursuan lo ding.
- Hnursuannak le Kahdohnak a um sual hmanh ah biaruahnak in kalpi than ding timi hna an si.
Hi hnathlaknak hmuh khawhnakding ah Shanram chaklei ah a um mi SAC sakhaan le khuapi hna cu phu 3 komh hna nih nam in kah ti lo ding le SAC lei zong nih phu 3 komh nih an laak cang mi khuapi le hmunram hna ah hriampi le vanlawng in bomb thlak ti lo ding timi lungtlin nak an ngei.
Cu bantuk thiam thiam in kaphnih ralkap hna nih Tuluk-Myanmar ramri um mi Tuluk miphun hna nunhim nak kilven piak ding le Myanmar ram chung um mi Tuluk chawhlehnak rian vial te hursuan piak lo ding timi zong aa tel chih. A tutan hnatlak nak an ngei mi hi “Haigeng Agreement” tiah min an bunh.
