Sagaing ramthen Kalaymyo in Yangon a hlat mi vanlawng ticket man cu kyats 15,000 in a kai than caah vanlawng ticket man cu minung pakhat ah kyats 360,000 leng a phan cang tiah theih a si.
Vanlawng ticket man hi January 28 khan kai hram aa thok hi a si.a hlan ah minung pakhat ah kyats 350,000 a rak si i a tu kyats 365,000 a phan tiah Kalay vanlawng tual ah ticket a zuar mi sin in theih a si.
“Vanlawng ticket man cu a kai than,zei ruang ah a kai kan thei lo,cunglei nih an ti ning in kan kal ko i a man thumh awk zong a tha lo.cheukhat leng lei in vanlawng ticket a cancel than mi hna ta cu kyats 400,000 le 450,000 hmanh in a caw than mi zong an um len” tiah a chim.
Kalay vanlawng bual in hin zarh chiar nikhat ni in nili ni tiang Myanmar National Airlines in vanlawng a chuak tawn.a tu bantuk in vanlawng man a kai tuk ko nain vawlei lei in kal cu a him deuh lo ti a ruat mi an um caah vanlawng aa cit mi hi an tam chin lengmang tiah theih a si.
Kalay in Kawlram lei zong ah Motor cheukhat a kal mi an um ko nain motor cuan man cu a fak ngai ve i minung pakhat ah kyats 150,000 a si ve.
