Kalaymyo chaklei,Kalay-Latpanchaung lampi cung um mi Chin mi tampi khuasaknak Pyidawthar khua cu SAC nih mei in an khangh i khuami 2 zong an thah hna tiah kan theih.
Thazaang 100 tluk a si mi SAC ralhraang hna cu April 30 ah khan Pyidawthar khua an rak phan i dothlennak ralkap hna he kaphnih kar kahdohnak fak piin a chuak. Cu hnu ah SAC ralhraang hna nih cun May 1 zing in May 2 zaan tiang pehtlai in khua cu mei in an duah i inn zeizat a kangh bel fiangin theih a si rih lo.
Cu leng ah May 2 ah khan Pyidawthar khuami 2 cu SAC nih an thah hna tiah theih a si.a tu lio dir hmun cu SAC nih Kalay chaklei ah ralhmai nor thluamah rih dawh a si caah Kalay chaklei khua kip in mizapi hna cu Kalaymyo khua chung ah le Inda ramri lei ah an zaam hna tiah theih a si.
