Nihin October 3 thawk in Japan ram phan Myanmar rammi hna cu 2020 Myanmar ramkomh thimnak ca ah mee thlak an thawk cang. Japan ram khualipi Tokyo khua ahhin mee thla khotu milu 8000 lengkai an si i, October 9 tiang mee an thla lai tiah theih a si.
Mee thla tu hna cu Embassy zung hmai ah i tlar in mee thlak caan an hngak ti a si. Mee thlak a ra mi hna nih Mask an i vuah hna tiah mee thlatu pakhat nih a chim.
Mee thlatu hna cu mee an thlak lai ah Embassy kutka hram ah taklum tahnak le kuttawl nak an khan piak hna. COVID-19 phungzulh bu in mee thlak khawh ding ah Embassy zung nih ai zuam kan hmuh tiah mee thla tu hna nih an chim.
Tokyo khuapi Myanmar Embassy ahhin meezung 7 hrawng a um ti a si. Thaikip lei zong ah mee thla tu tam dawh an si ca ah mee zung chap dawh a si tiah ruah a si. Tokyo khuapi um Myanmar ram mi hna hhin Yangon ramthen milu tam bik an si.
Source: BBC
