US ram minthang pakhat Indiana um Sianghliruum a si mi India University Bloomington nih a ngeih mi ca/holh cawnnak pakhat IU Language Workshop ah Laica/holh cawn khawh a si cang lai tiah an thanh. Hi cawnnak hi US ram university ah Indiana University lawng ah tuah a si tiah theih a si.
A ralaimi 2021 June – July thlachung US ram minthang Sianghleiruun ah Laica cawnnak an tuah cang lai. An cacawn ning hi nikhat ni in zarhte ni tiang a si lai tiah theih a si. Hi cawnnak ah soknak le scholarship hi January 29 ah a dih telai.
Hi cawnnak ah a cawng kho mi hna cu Indiana Sianghleiruun sianghngakchia hna le a dang university sianghngakchia hna, community college sianghngakchia hna le kum 16 cung High School sianghngakchia hna an si lai tiah theih a si.
Hi cawnnak ah a dih ding mi phaisa hi
- $620 (2 undergraduate credits)
- $175 (IU Summer 2021 combined mandatory fee for 1-2 credits)
- $100 (Langguage Workshop fee)
A dangdang
- Dorm Housing $32/night, if applicable
- meals: vary
- Travel: varies
- Text book: vary
Hna an si lai tiah theih a si.
Hi Laica cawnnak ahhin a biapi in cachim tu ding hi Kenneth Van Bik a si lai tiah theih a si. A mah hi Cal. State University ah Linguistic in Assistant Professor pakhat a si.
Ramdang ah Laica cawnnak kong he pehtlai in a hlawh a tling ngai mi hi Australia ram ah a si i, Australia ram Chin milu tam nak Victoria ramkulh ah cozah theihpi nak te he 2015 khan a rak i thawk cang.
