CBN News, 19 Oct 2020: India le China nih ramri kongkau ah buainak an ngeih tawnmi cu daihnak a um khawhnak hnga tiah ralkap commander meeting voi 8 nak an ngei than lai.
Ram pahnih hna hi ramri kongkau ah Military commander le diplomatic level ah voi 7 meeting an tuah cang, tuzarh chung ah hin a voi 8 nak an ngei than lai tiah India Media hna nih an langhter.
Khuasik caan hramthawknak ah ram pahnih hna nih Kilometre 1,597 tluk sau ramri, Line of Actual Control (LAC) ah ralkap an chiahchap veve tiah langhter a si i, hi ruangah ram pahnih hna hi an i dir onh peng tiah chim a si.
Hi thawngpang hi a daih khawhnak dingah ram pahnih hna nih a voi 8 nak military commander level i chonhbiaknak ngeih an i tim.
China ralkap People’s Liberation Army (PLA) hna nih raltuknak motor (armoured unit) le artillery unit ramri i an i chiah veve mi cu lâkkir țhan veve an duhnak an chim i asinain India nih a duh loh.
India nih hi raltuknak motor kan chiahmi kan lâkkir than ah cun akan dohtu ding China dirhmun a țha tuk tiah an langhter. “India nih raltuknak motor armoured unit le artillery unit a lâkkir than an cun Chan La le Marsimik La i India ralkal umnak hmun hi khuasik caan ah April thla tiang vur a tlaktuk ruangah lam a pit tawn i ituk hau sual sehlaw kan caah raltuknak motor va chiah than a hartuk canglai” tiah India Senior commander nih a chim.
Hi lio ah China lei ah cun Marsimik La le Kongka La in Km 10 telawng a hlatnak ah Six-lane Kashgar-Lhasa highway a um ruangah ramri China ralkap umnak hmun tiangin hi highway lampi hi aa peh i China caah raltuknak motor chiah țhan a fawi tuk, mah ruangah ramri i raltuknak motor kan chiah mi kan lâkkir than ah cun China caah caah hnangam a si ruangah kan raltuknak motor hi ramri in kan țhial lailo tiah a chimchap.
CBN News
