Htilyn Peng USDP Party Chungtel 9 Nih An Party An Chuahtak
Magway ramthen, Gangaw pengkomh Htilin peng, Syinsey (စင်းစယ်) khua in USDP party chungtel minung 9 hna nih party in chuahnak nawl kan pe u, tiah kum November 14 ah halnak an tuah tiah theih a si.
USDP party chungtel simi hna: U Aung Htew, U Hlah Min, U Tha Ngu, U Wa Tein, U Zaw Aung, U Kyaw Yin Htun, U Aung Win, U Sa Si Lyn le Daw Yi Yi Htew hna nih party in chuahnak nawl pek dingin halnak an tuah hna i, party in an chuahnak aruang tucu an chim lo.
Ralhrang nih nawlngeihnak a laak hnuin party chung i tuanvo ngeitu hna, teinak hmutu palai tlaihkhihnak, party zung chungah luhhnawhnak, party palai hna i ngeihmi hramhram in chuhnak, tibantuk hna cu teinak cotu NLD party cung lawngah tuah an si nain ralhrang kuttang USDP party chung i tuanvo ngeitu hna nih atu bantukin chuahnak nawl pek dingin halnak an tuahmi hmuh a si.
A liamcia thimnak ah siseh thimnak pehzulh in vote a pe kho lomi USDP party nih kum 2020 thimnak a dih hnuin vote cazin (form-19) ah anmah hluattaw palai pawl minsen thutnak leh+ fehternak tuah loin commission committee dangdang ah cohlang lo dingin nawlpek an tong i, thimnak a dih hnuah rampi runvengtu lutlaibik (Min Aung Hlaing) a tongtu ramkhel phu leiah an i telmi zong hmuh khawh a si.
Ref: TachileikNewsAgency
