Hlaing peng chung ah SAC uknak duhlonak langhter mi mino cheu khat cu motor nih a pah hna
Yangon ramthen,Hlaing peng chung ah tuni zaanlei suimilam 3:30 ah 7July kum 60 tlin philhlonak caah duhlonak a langhter mi mino cheukhat cu 7J/5050 TOYOTA a rang mi nih a pah hna i minung 2 an i khawng tiah theih asi.
“Duhlonak kan langhter i second 20 hrawng ah mah mawtaw nih cun an hnu lei in pah hna.Cu thil si ning cu fiang in cun thei a si rih lo nain minung 2 an ke an i khawng rua tiah hruaitu pakhat nih a chim”.
“Duhlonak langhter tu pakhat zong nih mawtaw nih cun a pah hna nain thil sining cu fiang in theih a si rih lo,a tu Hlaing peng chung, Thukha bus dirnak hmun pawng ah palik le ralkap tampi ka hmuh hna tiah a chim”.
Cu mawtaw J7/5050 cu license zoh nak software in kan zoh tik ah cazin chung khumh mi a si lo tiah theih asi.(Crd.Khit Thit Media)
