Karenni ramkulh i February thla thlakhat chung kahdohnak ah SAC ralhraang Colonel le Lt.Colonel hna telhin 160 leng kan thah khawh hna i kahdohnak chung ah SAC lei nih vanlei le hriampi an kah ruang ah naupawi le ngakchia hna telhin tualchungmi 25 nunnak a liam tiah KNDF nih March 10 ah an thanh.
Cu kahdohnak hna cu Loikaw,Shataw,Bawlakhe le Phekhung khua hna ah a chuak mi kahdohnak an si hna.
SAC nih Loikaw khuapi ah nifatin in hriampi a kah pin ah vanlei in bomb a thlak caah Loikaw khua mizapi inn tampi a rawk i a kaang tiah theih a si.
A luancia January 15 thok in Shataw khua cu kah hram thok a rak si i SAC hmun khuar nak sakhaan hna,Byuha sakhaan hna zapi cu February 12 ah tlamtling tein kan laak khawh caah Shataw khuapi cu kan laak khawh tiah an langhter.Shadaw khuapi kahdohnak chungah SAC ralhraang 160 leng kan thah khawh hna i an chungkhar le ralkap cheukhat kan tlaih hna tiah an thanh.
February thla chung kaphnih kar kahdohnak ah SAC ralhraang nih Vanlei le hriampi duhpoah kah ruang ah nau pawi lio le ngakchia hna telh in tualchungmi 25 nunnak a liam leng ah minung 42 nih hliam an tuar tiah theih a si.
