Nihin October 7 zaanlei suimilam 3:00 PM hrawng thawk in Thantlang Hakha mi hna hmanmi facebook cungah Thantlang COVID-19 Runvennak phu cungah siseh, Thantlang peng khuabawi le ngandamnak lutlai hna duh lonak langhternak campaign aa thawk.
Mai Sui Hlei Tial ruak vuinak kong he pehtlai in hibantuk campaign hi ai thawk mi asi i, Thantlang khuachung mibu hna sinin Statement zong chuah an i tim tiah thawngpang a leng.
Social Media cung ah mipi authawng hna cu, “Ruakvuinak kong ah Lai nunphung zei a rel lomi COVID-19 runvennak Komiti minung 6 hna cu fak piin hma kan lak piak hna uh— Thanhmun a si lomi ah ruak phum kong ah tuanvo ngeitu cungah fak piin hma kan lakpiak uh— Thantlang COVID-19 Runvernnak phu a thar in kan ser piak than uh— Khuami kan duhnak kan upat piak uh” ti hna hi a si.
