Demoso,Daw Ngan Khar khua ah a um mi SAC ralkap cu mipi vengtu phu nih an doh hna
Karenni ramkulh,Demoso peng,Daw Ngan Khar khua ah a um mi SAC ralkap cu Demoso Local PDF le tantiphu pawl nih nizaan July 26 chun ah an doh hna i SAC ralkap 3 an thi tam hliam an hmu tiah Demoso-PDF nih cathanh an chuah.
Daw Ngan Khar khua, mipi inn ah a um mi SAC ralkap pawl cu nizaan chun sml 3:20 hrawng ah an doh hna i hi kahdohnak hi sml 1 leng a rau, mipi vengtu phu lei in 2 hliam an hmu tiah theih a si.
SAC nih U Phyo Zeya Thaw,U Jimmy,U Thura Zaw,le U Hla Myo Aung hna thihdan nan pek mi hna cung ah DMO-Local PDF nih kan cohlang lo caah SAC uknak a tlak hlan lo Demoso-PDF nih kan doh peng ko rih lai tiah cathanh an chuah.(Crd.Khit Thit Media)
