Canada Ralkap Sniper Thiam Taktak Mi ”Wali” Cu Russia Doh Ding Ah Ukraine Ram A Phan Cang.
3540metre( Meng 2 le Falong 2) hlat in ral a kheng khomi Canada Sniper minthang simi Wali cu Ukraine leittang in Russia raldoh ding ah Ukraine ram a phan cang tiah theih asi.
Wali hi Computer thiamsang pakhat zong a si i 2009 le 2011 kum hna ah Afghanistan ram, Kandahar ralhmun ah voihnih tiang ral ai do cangmi a si i Sniper in ral tamtuk a thah hna caah ”Wali” timi min hi an bunh mi a si. A nih hi JTF-2 timi Sniper ralkap bu ah a ummi a si i JTF-2 Sniper pawl cu meng 2 le falong 2 ( 3540 metre) a hlatnak ah ummi an ral kha a kheng khomi an si caah Vawleicung ah lamhlat bik in ral a kheng khomi Ralkap bu zong record an ngei phah.
Sniper pakhat nihhin ralram ah nikhat ah ral 7 hi an kah thah hna ti a si nain Ukraine sniper pawl nihhin cu nikhat ah 10 cio hrawng in an thah hna ti si, Wali nihcun nikhat ah 40 hrawng a thah hna tiah an chim.
Wali cu Ukraine President Zelensky nih ramdang ralkap bawmh a hal. bantuk in nizaan March 9 ahkhan a hawile he Ukraine ram an van phan tiah theih asi.
