Australia ram,Melbourne khuapi Warabi ah a um mi Kachin eidin dawr pakhat ah dawrngeitu cu sumkhel in atu i kut a thla tu NLD party chungtel,Yangon Tamwe peng, Sipin (Municipal Chairman) a rak si mi Aung Myo Lin cu section 3 in taza cuai a si.
A luancia June 13 ah khan Aung Myo Lin cu mask le mitbenh nak i benh in dawr ah a rak lut i phaisa pe ding bantuk in a um i sumkhel fa mi in dawr ngeitu cu a tuk hi a si i counter um phaisa bawm zong a thlawhdah len tiah dawr ngeitu nih Myitkyina News Journal ah a chim.
“Dawr a rak luh ah hin hmurhuh aa bunh.nikham mithman zong aa benh pin ah lukhuh zong aa khuh i a rak lut.Munghinkha khoika dah a um a ka ti caah pakhat hnu pakhat ka hmuhsak. A laak dingmi pawl cu couter ah a rak ken i phaisa pek tim bantuk in a um i ka hnu lei in sumkhel in a ka tuk.cu hnu ah counter chung phaisa a thlawkdap i cu kar ah a mah cu ka tlaih i ka au, bawmh ka hal hnu ah voikhat ka lubik ah a ka tuk tthan i a zaam diam.” Tiah a chim.
Covid a um lio zong si loin a thil hruk aih ning ka zoh ah khan ka lung cu a hring cang .Aung Myo Lin cu kan dawr ah thil a caw lengmang mi a si i kawl holh a holh dan. A khan san ning le a kal dan tibantuk in a mah a si cu ka theih ko tiah a chim chap.
Dawr ngeitu cu tukvelh a ton caah a lubik,a cal le a hmai hna ah hliam a tuar i a lu le a hmai ah thit nga le a cal ah thit thum in an thit tiah theih a si.
Aung Myo Lin nih hi kong he pehtlai in Munghinkha cawk awk ah dawr ah ka kal i a tu lio Myanmar phaisa thlen rate ka hal tikah dawr ngeitu nih bia chiakha in a holh caah kai ruah lo tuk ningin thil a cang sual mi a si tiah social media ah a tial.
“a mah sin in a hlan zong ah phaisa kua tawn mi ka si caah cu ni zong ah cun phaisa thlen rate zeizat dah a si tiah ka hal. Nihin cu 2850 a si a ka ti i ka lau ngai i ka thin a hung. A luancia nihnih khat ah khan phaisa ka rak kuat tawn mi he aa thlau tuk . a hlan he cun dollar 1 ah 900 bak in aa thlau. Cun ngapih bawm a um maw tiah ka hal i a ka kawl piak. Ka hmuh cang a ka ti pah khin bia chiakha in a ka ti mi ka theih i ka thin a hang tuk i ka pawngkam a um mi thilri in ka tuk sual.” tiah Aung Myo Lin nih cun a tial.
Nu le ngakchia, nuhrin covo lei ah rian a ttuan tawn tu nih a tu bantuk thil ka tuah sual mi cung ah ka lau tuk ve tiah a langhter.
Phaisa rate ka hal ah biachia kha in a ka ti caah ka tuk sual mi a si tiah Aung Myo Lin nih achim nain dawr ngeitu nih cun cu ni ah zeibantuk phaisa rate zong a ka hal lo i bia chiakha in ka ti mi zong a um lo tiah a chim.
A tu ah cun Aung Myo Lin cu mi ramhnak,phaisa hlenthawi nak le fir case hna hin biaceihzung ah tazacuai a si i palik pawl nih DNA le kut zung namh nak te hna chekhlatnak an tuah cuahmah lio a si.
Aung Myo Lin te nupa hna hi SAC nih hramhram in uknak a laak hnu ah Australia ram a rak phan mi an si i Australia an phak hnu ah mi phaisa cawi i cham ti lo tibantuk le a nupi hi mi dawr ah lut in thil fir tibantuk an hmang tawn tiah Australia phan Myanmar mi nih an chim.
