CBN News, 07 Oct 2020 : World Health Organisation (WHO) nih an langhter ning ah Africa i ram 54 ah Covid-19 possitive mi dihlak cu minung 1,522,928 an si cang, Covid-19 in a thi mi cu minung 36,569 an si cang tiah an langhter.
Africa ram hna lak ah South Africa ah Covid-19 possitive an tam bik, minung 681,289 possitive an si i a thi mi minung 16,976 an si cang.
North Africa ram hna lak ah Egypt ram cu Covid-19 possitive tamnak bik ram an si i minung 103,575 possitive an si cang, Africa ram hna lak ah minung tamnak bik ram Nigeria ah Covid-19 posstive minung 59,345 hmuh an si cang i hi lak ah minung 1,113 nih an i thihpi cang.
Mithiam hna nih an rak chim ningah Africa ah Covid-19 a lut a si ah cun possitive karh ning a rang tuk te lai tiah an rak chim nain ram dangdang ah hi pulh rai hi karh hmanh selaw zumhning nakin a karh ning a fum.
CBN News
