SAC Ralkap Nih Tlaih An Timh Mi Miss Han Lay Canada Ram Ah Dornak Nawl A Ngah.
==============================
Thai Ramkulh, Bangkok khua. airport ah hren a tongmi Miss Grand International Miss Han Lay cu Canada ram ah dornak nawl a ngah tiah Bangkok Post nih a langhter.
Miss Han Lay cu Canada ram Toronto khua ah ralzaam dirhmun in dornak nawl a ngah lai i September 27 thok in Thuwunnabumi airport in South Korea ram ah voikhat a kal lai i cu hnu cun Canada ram ah a lan ṭhan lai tiah theih a si.
September 18 ah Miss Han Lay cu Visa kong he pehtlai in Vietnam ram ah a kal i September 21 ah Thueunnabumi airport a rak kir ṭhan lioah an rak tlaih.
Hren a ton hnu ah UNHCR sin ah bawmhnak an hal i Thai nih Myanmar ram ah kuat lo ding in bia aa kam i September 23 ah UNHCR rianngeitu pawl nih Miss Han Lay cu an rak ton i a luat colhnak hnga kan tawlrel piak tiah an chim.
Miss Hanlay hi 2021 March 27 ah Thai ram,Bangkok khua ah an tuah mi “Miss Grand International 2020″zuamnak ah “Stop the Wae & Violence ” tlangter hen SAC Ralkap nih uknak an lak hnu an tuah mi thatlonak vialte cu ramleng theih ding a au pi hi a si.
Cu ruang ah SAC Ralkap nih Miss Hanlay cu Pohmah 124 (A) in taza an cuai hi a si.
