Thongzaam a si timi ruangah rak tlaih a simi UDP Party chairman U Kyaw Myint cu President Office chimrelnak nawlngeitu U Zaw Htay nih thawngfianhnak ah 23 Kyats Billion a ngeimi a si tiah nizaan ahkhan a thanh.
President Office nih October 10 ahkhan cozah thawngfianhnak an tuah i, hi lio ah UDP party chairman tazacuainak le tlaihnak kong ah an halmi chung in a lehnak hna asi. U Kyaw Myint nih chawlehnak a tuahmi, chawlehnak chungin a lutchuak mi phaisa le phaisa kuatchanhnak timi pawl cu Myanmar Economic Bank nih a chekhlai cuahmah lio a si tiah theih a si.
“A ngeimi check tikah hin 23 billion kyats hrawng hmuh khawh a si. Hi chung zong hin US dollar zeimawzat hmuh khawh an si. U Kyaw Myint an tlaih ni bak ahhin palik nih a kut cung in phaisa sing thonghra kuatchanhnak ca an tlaih chih ti a si.
U Kyaw Myint hi Yangon khuapi Pann Hlaing inn ah September 29 ahkhan an rak tlaih.
