Chin Miphun Party le MP pawl ca ah
CNLD kan thazang hi a thawng ngai cang tiah a ruattu mizapi zong an hun tam ngai cang. A tak le ngai ah cun hi Party ah an rak luh ahcun hmunhma tha an ngah lai tiah a ruattu zong an um kho men! Hmunhma kong lawng ruah ah rak luh cu kan nih ca ah Sorry bak a si ve. A tu kan Party fonhnak hi One In Chin timi kha a si deuh.
Kan nih cu Chin miphun Party kan dir hin Chin timi thinlung ah hmunkhat ah kan dir lai. Tawifiang in chim ka duh. Cathiam le fim kha a biapi a si lemlo; Chin thinlung, Chin ruahnak he a rak lutmi MP kha kan cawithlir hna lai.
2020 Thimnak Chunmang
2020 thimnak ah Chin ramkulh Hluttaw hi kan khuh lai. Chin ramkulh Cozah kan khuh lai. Zeiruangah tiah cun; Democratization caan chungah caan (2) chung; kum (10) chung caan kan pek cang hna. Kawlrawn Party nih Chin ramkulh ca ah kan duhning bang an tuan lai tiah kan rak zumh taktak hna.
2020 thimnak ah Chin ramkulh Hluttaw le Chin ramkulh cozah hi rawn Party kutchung a phak ahcun kan nih Chin miphun cu Zuu khur chung luh he aa khat ko lai. Nihin ahcun Phunghrampi nih a kan onh bantukin Kale-Kabaw tiang ramkhel ram kan kauh cang lai. Miphun thinlung thaap in siseh, Federal ramser tinhhmun in siseh, Union Assembly ah a ho mithmai zoh loin a dikmi thil kha kan chim ve cang lai.
Federal Ralkapbu dirh kan duh. Kan ramkulh Hluttaw nih kan ramkulh Chief Minister cu thim ding ah kan duh. Kan Chinland ahhin leitang thilchuak kan ngei. Kan leitang thilchuak hi kan mah tein lai kan rel canglai. Kan Biaknak, kan nunphung, holh/ca hna hi kan miphun ah hramfek kan bunh canglai.
2015 Cuanhthannak
Zabu (21) Panglong Conference ah Chin miphun huap in a chuak ding ah CNLD nih MP kan ngeih lo ruangah Cabuai in hnon kan tong. MP nan ngah lo ruang ah tiah hnon kan rak ton kha a si. Cu ai-awh ah Zomi Party kha Chin miphun ai-awh in an rak kai. A ngaingai ti ahcun Zomi zong cu Chin an si ko.
Asinain an mah lei nih Chin kan si lo tiah an chim. Panglong Conference le Pyidaungsu Assembly ah a biapi in kan tuah dingmi cu; 2008 phunghrampi hi ramri kan det cuahmah lai i, Federal phunghram kan ser lai ti kha a si. Nihin cu kan ramchung lila ah kan miphun ramkhel ramkauh kan i tim.
