by: Salai Van Lian Thang
Tulio cu “Vice President an kan pek caah NLD sinah Chin miphun nih lawmhbia chim ding” an kan ti rua. Ka el lo. Kan ilawm!
Nain, NLD cozah a kai hlan piin Vice President cu Chin miphun nih kan tlaih caan a phan hrim te lai tiah kan rak chim chungmi zong hi theih ve a ṭha ko rua. Cu ka chimmi cu Rev. Lai Ram Hu nih a dairy ah a ṭial. Ka hin rel khawh asi.
https://www.facebook.com/vansalaicinzah/posts/1485786984768590
March 2016: Pyidaungsu Hluttaw i President thimnak ah U Htin Kyaw mee 360, U Myint Swe mee 213 le U Henry Van Thio mee 79 a hmu.
Tlangmi mitin zoh cun mee an ithlaumi te hi a ngiami nan um men ko lai. Hi hmanh hi Tlangmi Party an zapi MP 56 ah MP 51 nih Chinmi an kan vote caah khin asi. Kawl NLD nih Chinmi an kan vote lem lo.
U Htin Kyaw aa din i thimnak a um ṭhan, March 2018 ah.
U Win Myint mee 403, U Myint Swe mee 211, U Henry Van Thio mee 18 an hmu. Kawl NLD pakhat zong nih Chinmi hi an kan vote lo. Mee 18 kan hmuhmi te hi Tlangmi party nih an kan pekmi asi.
“Vote” timi cu thinlung = heart pek khi asi.
Mirang nih “blood is thicker than water” an ti. Biapi hlapi a chuah ahcun Party lungput nih tlangmi chungkhar cu ri a kham lo. Kawl le Vai sin phak ahcun tlangmi sinak “thi” cu ”thi” cingcing nih a funtom ṭhan colh tawn.
Kawl nih Kawlmi mee an pek ko i Chinram zongah Kawl cu Chin party ah hohmanh an vote lem lai lo. Anmah hruaimi Party chung kan um zongah an kan vote theng lo: VP thimnak hin alang. Phundang cun: thinlung khi an kan pe lem lo. Kanmah tlangmi tu nih kan pek duh ngai hna in alang tawn i cu ruangah fawi tein kum saupi an kan uk khawh zong hi asi ko rua.
Tlangmi Party hna an mee te nih Vice President thimnak ah limhang le mithmai khi a kan ser. Tuanbia zong asi. Hi hmanthlak nih Tlangmi Party a ṭhawn le a cah cu tlangmi dihlak caah asi tawn i NLD ca zongah asi chih timi khi a langhter.
