Zophei ramchung ah zuu,rithaisi le a thlithup in meithal le kuanzen hna a phur le zuar an tam tuk caah thil thalo a chuah pi leng ah Non-CDM pawl zophei ramchung ah an luhchuah pah caah zophei ramchung mizapi caah tihnung an si.
Cucaah zophei ramchung ah zuu,rithaisi le a thlithup in meithal kuanzen hna phurh le zuar cu an kham kong le zophei ramchung mizapi nih siseh zophei ram ah a lut chuak mi hna nih siseh zulh ding phung cu CDF-zophei nih an thanh.
- Zophei ramchung ah zuu le rithaisi a si mi paoh paoh din lo ding le luh pi lo ding.
- A thlithup in meithal le kuanzen zuar/phurh lo ding. Zuar le phurh duh mi nih CDF-Zophei sinah zuar nak nawl Licences tuah ding.hriamtlai phu caah phurh mi a si ah cun mah le phurh piak mi phu hna nih theihpi nak a si lo ah lungtlin pi nak ca a tel lawng ah Zophei ramchung gate hna ah luh chuah a ngah lai.
- Zing 6:00AM in zanlei 7:00PM kar lawng gate ah luh chuah a ngah lai.Zan 7:00PM hnu ah emergency ruang ah luhchuah a duh mi hna nih gate rian ngei tu sin ah felfai tein thawng thanh ding.
- Ralhraang kuttang riantuan mi Non-CDM Pawl cu Zophei ramchung ah Luhchuah phihkhar an si.
- Zophei ramchung check gate hna ah tuanvo ngeitu nih chekhlai nak tuah tik ah tha tein cohlan ding timi hna an si.
Hi cathanh chuah ni in tuanchuah a si cang lai caah a cunglei zulh phung hna hi nan zulh lo a si ah cun CDF-Zophei nih a herh ning in tuanvo kan laak lai tiah CDF-Zophei nih Nizan November 27 ah an thanh hi a si.
