Zeihmanh Ka Ttih Lo Tiah Ukraine President Zelensky Nih Chim
Russia President Putin nih Ukraine ramchung ah a ralkap lut ding in nawl a pek hnu hna ah Ukraine President Zelensky nihcun ” Zeihmanh ka ttih lo” tiah a chim.
Russia nih a dirkamhmi hriamtlai hmunhma simi Ukraine ramchung Luhanks le Donetsk hmun hna cu Putin nih Independent an si cang tiah February 21 ah min a thut i cu ka hmun chung ahcu Russia ralkap hna cu cawlcang ding in Putin nih nawl a pek chih hna.
Putin tuahsernak cu UN, EU le American nih fak piin an dohdal i a herhmi dantat phihkharnak kan pek lai tiah an thanh ve.
Putin tuahsernak nihhin Ukraine nawlngeihnak le a hmunhma a chuh lawng si loin UN phung zong a buar tiah UN Ukraine Palai Sergiy Kyslysya nihcun a chim ve.
