Yezakyo peng YeleKyun khua pawl ah council ralkap an lut i thilri pawl an hrawk,khuami pakhat an kah thah.
=================================================
January 24, 2022
Magwe ram,Yezakyo peng (ရေစကြို)Yelekyun khua (ရေလယ်ကျွန်း)ah council ralhrang nih January 20 thok in an lut thilri pawl an hrawk .Nayrin Khuami U Sein Win cu an kah i athi tiah khua mi pawl nih Khit Thit media ah an chim.
Council ralhrang phu nih Yelekyun peng Nayrin (နေရင်း),Min Ywe(မင်းရွာ), Puaktaw(ပေါက်တော) tel in khua 3 ah an lut .Hriamnam ngan le hriamnam hme in khua chung an kah ruang ah Nayrin khuami U Sein Win cu an ken ii athi tiah theih asi.
“Ralhrang pawl cu Yelekyun khua an lut nak hi ni 4 si cang.Tuni zinglei ah an kir.Ralhrang pawl nih khua chung ah hriamnam ngan le hriamnam hme hen an kah. Khuami pawl Hliamhma atuar mi zong an um.Nayrin khua ah Kum 65 si mi U Sein Win cu a kah ii a thi colh.Khuami inn chung ah Sui le tangka le man fak thilri pawl, Thei hang (ဖျော်ရည်) tiang in an lak dih.Mipi nih zuat mi saram pawl zong an kah i an thi dih “tiah Khuami pakhat nih achim.
Council ralhrang cu Nayrin khua le Min Ywe khua kar ah PDF hen kah doh nak a chuah hnu in Yelekyun khua ah an lut,thilri pawl an hrawk tiah theih asi.(Ref:Khit Thit Media)
