Yesagyo peng ah PDF pakhat nih SAC ralkap cu (အသေခံဗုံး) in a doh hna
Magwe ramthen,Yesagyo peng, Theataw khua phungki pawl umnak inn ah chikhat a um mi SAC ralkap nih July 8, zaanlei sml 6:30 hrawng ah Yesagyo Revolution Group-YRG phu i khua chung vengtu phu pakhat cu SAC ralkap nih an kah i an tleih hnik tiah YRG chimnak nawl ngeitu nih a chim.
Cu ti an tleih hnik ah tilk i luat ding a si hlei lo caah a mah nih a ken mi kut tuah bom 3 in a doh hna caah SAC ralkap 7 cu a hmun ah an thi.A dang 8 hrawng hi cu Pakaangyi(ပခန်းကြီး) siizung ah an thi chap tiah theih a si.
A tu a nunnak a liam mi hi raltuk cawnnak a dih rih lo mi a si.Zinglei ah SAC ralkap he kan i doh mi a theih lo i a khua lei tlun ding in a kal ah Thaetaw lei in a kal.Cu Thaetaw khua phungki um nak ah SAC ralkap pawl an um a theih lo.Cu ka hmai a phak ah cun SAC ralkap nih an kah i a mah cu an kheng lo cycle tu an khen i a tlu.Tlik zong ah a luat ding a si lo caah a ken mi kut tuah bom 3 in a doh hna i SAC ralkap 15 hrawng an thi.7 hi a hmun ah an thi i , Pakaangyi siizung ah a thi mi he fonh ah cun 15 hrawng an si tiah theih a si.A nunnak a liam mi kan hawi hi Yesagyo Revolution Group-YRG nih upat nak kan in pek.A nunnak a liam mi a min le a khua cu a chungkhar himnak caah kan langhter lai lo tiah YRG phu bia chimnak nawl ngeih mi nih a chim.
Cu SAC ralkap rallamsial le YRG kar July 8 zinglei ah kahdohnak a chuak i SAC ralkap lei a thi mi le hliam a hmu mi an um i Tawkyaung(တောကျောင်း) khua in an kir i Thaetaw khua phungki pawl umnak ah hmun hma an lak chung tiah theih a si.(Crd.Khit Thit Media)
