Yesagyo checknak gate ah a um mi SAC ralkap cu cycle bomb in an doh hna
Magway ramthen,Yesagyo peng,Kyauk Hlay Khar khua pawng um GTC sianginn ah a um mi SAC ralkap checknak gate cu July 27 chun 2 hrawng ah mipi vengtu phu nih cycle cung ah bomb chiah in an doh hna i SAC ralkap 3 an thi tiah Yesagyo Revolution Group(YRG) sinin theih a si.
Mipi vengtu phu nih SAC ralkap checknak gate he 100 yard a hlatnak ah bomb an chiah mi cycle cu an dir ter.Suimilam cheu a roh hnu ah SAC ralkap pakhat a ra,cu cycle cu gate sakhaan ah a nam i cycle tool box an awn ah cu bomb cu a puak i ralkap 1 cu a hmun ah a thi.A dang 2 cu siizung ah an thi tiah theih a si.
Cu dohnak cu Yesagyo Revolution Group-YRG,Urban Underground Revolution Force-UURF,Shwe Nyar Myae-PDF le Zamani Blood Guerrilla Army-Myaing pawl i fonh in an doh hna tiah Yesagyo Revolution Group-YRG phu nih cathanh an chuah.(Crd.Khit Thit Media)
