Yedashe peng,express lam ah a um mi palik umnak pakhat cu mipi veng tu nih an doh hna
Bago ramthen,Taungngu pengkomh,Yedashe peng espress lam meng 158 i Samoe palik umnak ah a um mi SAC ralkap pawl cu Taungngu mipi veng tu nih July 19 zaan 8 hrawng ah kan doh hna tiah tuni July 20 ah an langhter.
Samoe gate cu Enaka MM 40 in kan doh hna tiah mipi vengtu phu pakhat nih a chim.
“Kan kah dih bak in an mah lei zong nih ruahdap in an kan kah ve.SAC ralkap 6 hrawng hi cu an thi men lai.Kan doh dih bak in lam mei an hminh i emergency mawtaw a kal mi a um.Tuzing a chawk let mi pawl an check hna i mah gate cu tannak nawl an pe hna lo tiah kan theih” tiin kahdohnak ah a tel mi mipi vengtu pakhat nih a chim.
SAC ralkap an thihnak kong he peh tlaih in SAC lei nih cathanh an chuah mi a um rih lo.
SAC ralkap phu pawl an umnak hmun cu doh kan i timh caah mipi lei zong SAC ralkap an umnak hmun hrail i zuam uh tiah ralrin an pek.(BBC Burmese)
