Bago ramthen,Yedashe peng chung ah 2023 October thla chung ah SAC ralhraang hna le PDF,Red blanket column hna karlak ah kahdoh nak voi (11) a chuak i ralhraang minung (80) nak tlawmlo an thi i 34 nih hliam an tuar tiah NUG nih nihin November 1 ah a thanh.
Cu kahdoh nak hna ah cun Red Blanket Column lei in ralkap 2 nih ram le miphun caah nunnak an pek ve i 4 nih hliam an tuar.kahdoh nak ah tualchung hriamtlai lei nih RPG le 60MM bomb thei hna an laak.
Kahdohnak chung ah ralhraang hna nih vanlawng le hriamngan hna duhpoh in an kah caah tualchung mi 1 nunnak a liam,mizapi inn 2 a rawk i minung 550 leng ralhrial dirhmun an phan tiah theih a si.
