Yebyu peng ah SAC ralkap mawtaw run bomb an puah hna
Taninthayi ramthen,Yebyu peng um Watchaung khua hlei pawng ah July 31 zaan sml 7:30 hrawng ah vawlei phor mawtaw 1 le Vigo mawtaw 4 a tel mi SAC ralkap mawtaw run cu mipi vengtu phu fonh nih bomb an puah hna i SAC ralkap 30 an thi tiah DGRF nih August 2 ah cathanh an chuah.
Cu SAC ralkap mawtaw run cu Yebyu peng Ekani le Khamaung Chuang khua um khuami inn inndong 8 hrawng an khangh i an kir lei ah bomb an puah hna hi a si tiah khuami pakhat nih a chim.
Khamaung Chuang khua pakhat nih “SAC ralkap mawtaw bomb an puah hna ah hin an i hliam men lai hraimngan in ruahdap an kah hna i kaphnih dohnak a chuak tiah a chim.
Cun August 1 chun sml 2:30 hrawng ah Tha Byay Zun khua pawng ah SAC ralkap mawtaw run 7 cu mipi vengtu phu nih a hlatnak in thing mi bomb in an puah hna nain an nganh deuh hna tiah cu phu sinin theih a si.
Cu dohnak cu DGRF,LLPDF,T-PDF pawl i fonh in an doh hna tiah theih a si.(Crd.မောင်း)
