Ye Oo peng,Tentimyan(တင်းတိမ်ရံ) khua cu SAC ralkap pawl nih nili chung mei an khangh, fang rialnak seh 4,dawr khaan 200 leng le inndong 100 leng a kang
Sagaing ramthen,Ye Oo peng,Tentimyan khua cu July 28 in July 31 tiang Nili chung SAC ralkap nih mipi umnak inn pawl cu an khangh i fang rialnak seh 4,dawr khaan 200 leng le inndong 100 leng a kang,mei an khangh hlan ah mipi thil pawl chung in an duh mi thil an lak tiah khuami sinin theih a si.
“July 28 zaan sml 7 hrawng in an lut.Nili chung mei an khangh.Fang rialnak seh 4,dawr khaan 200 leng le inndong 100 leng an khangh.An duh mi an lak dih hnu ah hin an khangh mi hi a si.Dawr cu a za pi in a kang, kan ngeih mi vial te cu a dih dih ko.Khua ning pi in zei dah kan tuah le ti zong kan thei ti lo” tiah khua mi pakhat nih a chim.
Tentimyan khua ah inndong 300 in 400 kar an umnak khua a si.SAC ralkap khua chung an luh ah hin hriamngan le hraimhme kah bu in an rak lut.Khuami pawl tuan ah khua an zam tak cang caah hliam a hmu mi an um lo.July 31 ah SAC ralkap pawl cu an kir i Depeyin city hall chung ah hmunhma an la tiah khuami pakhat nih a chim.(Crd.Khit Thit Media)
