Nihin August ni 30 zing in Yangon ramtthen, North Dagon, East Dagon, North Okkalapa, South Okkalapa, Insein le Yangkin Hledan hna ah bomb a puak hram a thawk, nizan August ni 29 ni zong ah puah keh nak a rak um cang.
Tuzing 5:15AM ah khan North Okkalapa myone chungah bomb voi 7 tianh pehzul in a puak, zing suimilam 5:40AM ah khan Kamayut myone, Hledaan Lam aa tonnak hlei tang zawng ah a puak tthan, Yangin Post Office pawng le South Okkalapa zong ah puah keh nak a um tiah kan theih.
East Dagon myone chung zongah tuzing suimilam 5:16AM ah voihnih nak puah keh nak a um than , Insein myone zongah tuzing suimilam 4:42AM in aa thok i zing suimilam 5:27AM tiang voi 5 bak pehzul in a puak.
North Dagon myone ah hin nizan August ni 29, kum 2021 zing suimilam 5:00AM ah bomb puah thawng voi 5 bak an theih bantuk in tuzing (August 30) zong ah bomb puah thawng pehzul in a chuak ti ah Mizzima nih a langhter.
