Yangon le Mandalay Kualipi hna ah nithum chung ah nilinh tuk ruang i a thi mi minung 4 an phan cang tiah mibawmcahntu phu sin in theih a si.
April 7 chun ah Yangon khua,Shwdagon pura in nitlak lei lampi cung ah kum 50 tluk a si mi pa pakhat cu ruahlo piin a tlu i a thi colh tiah theih a si.April 9 nikhat chung lawng ah Yangon,Insein ah kum 40 tluk pa pakhat a tlu i a thih leng ah North Okkala Parami Pinya bus stop zawn a um mi Phungki pakhat a thi ve.
Cu bantuk thiam thiam in April 9 ah Mandalay Zee-Chu (Bazarpi) ah ni a linh tuk celh lo ruang ah nu pakhat cu a tlu i a thi ve tiah theih a si.
SAC cozah kuttang khuacaan lei zung nih a ralai mi May thla ah khin kawlram chung a linh cem caan a phan lai i Sagaing,Mandalay le Magway hna ah an lin cem lai tiah ralrin pek nak an thanh.
