Yangon ah CHIN COVID-19 RESCUE TEAM (CCRT) an dirh, thil biapi 5 an i hmaithlak
=============================
The Hakha Times, August 9
Yangon khua hrambunh in Chin COVID-19 Rescue Team (CCRT) cu August 5 ah khan an dirh i rian biapi tuanchuah ding thil phun 5 an i hmaithlak tiah kan theih.
Thil biapi phun 5 an i tinh mi cu;
————————————————
1. Quarantine Center tuah ding
2. Resources sharing tuah
3. Informations & Data Collection tuah
4. Oxygen haang chuahnak sehzung tuah
5. COVID-19 raikhamsii (vaccine) hmuh khawh nakding ah a lamkip in thazaang chuah tibantuk hna an si.
“COVID-19 a dot thumnak hi a karhning a rang tuk hringhran. Yangon khua zong ah kan upat i kan bochan mi hna mitampi mual an liam cang. Cucaah hi rai thalo hin kan him deuh nakhnga tiin Chinmi Pengtlang kip in, Khrihfabu kip in, le Zaatlangbu kip in, CCRT hi dirh a si i lung a hmui ngaingai. Pathian min zong kan thangthat,” tiah hruaitu ah thim mi NC Thawng Tha Thang nih a chim.
Hi CCRT hruaitu ding le tuanvo i phawtnak belte fehternak ngeih a si rih lo i a rauhhlan ah an fehter lai tiah kan theih.
