Watlat peng,Yelay Mhaw khua cu kahdohnak um lo bu in SAC ralkap nih a ruang um lo in mei an khangh
Sagaing ramthen,Watlat peng,Yelay Mhaw khua cu SAC ralkap nih kahdohnak um lo bu in mei an khangh tiah khuami nih an chim.
August 8 zaan sml 4 hrawng ah Sagaing ramthen,Shwebo pengkomh,Watlat peng, Yelay Mhaw khua ah kahdohnak um lo in inndong 5 le a dang thilri pawl cu mei an khangh tiah theih a si.
“Kahdohnak zong a um lo.Yelay Mhaw khua hi Ayeyarwaddy tiva khua a si.Tiva in a rak kai mi SAC ralkap tilawng ah a tel mi ralkap an si men lai.Inndong 5,pe rialnak seh 2,miiset,ti set,cycle pawl a za pi mei an khangh.Mei khangh piak a tong mi hi U Thine Lwin le Daw Nwae Kyin inn,U Thine Htun le Daw Thin Aye inn,U Pyae Maung le Daw Myaint Myint Ma le inn,U Aung Win le Daw Nyain le inn, le U Shwe Mone le Daw Thita Oo le inn an si.An chuah hnu ah sangha zong nih mei an hminh ve” tiah khuami pakhat nih a chim.(Crd.Khit Thit Media)
