Kachin ramkulh,Waingmaw peng i SAC nih fekthup in hmun an khuarnak SAC LIB 321 sakhaan cu Kachin Independence Army – KIA le PDF ttangtiphu hna nih nihin May 21 ah tlamtlingin an laak tiah theih a si.
KIA le ttangti phu nih May 18 in an thok mi Waingmaw peng kahdohnak chungah nihin an laak mi LIB 321 sakhaan telhin sakhaan 13 an laak cang tiah theih a si.
SAC LIB 321 sakhaan cu nihin May 21 zaan slm 8:30 tluk ah an laak hi a si i cu kong he pehtlai in KIA thawnghram pakhat nih “kan laak mi a fiang cang ko.kahdohnak ah bomb a va thla mi Jet fighter pahnih hmanhTada-U ah a ttum cang.SAC a thimi ruak cheukhat kan laak.cheukhat cu a muihnak i chirchanh in an tlizam hna.Waimaw peng ah SAC sakhaan IB 58 lawng a taang cang” tiah people’s Spring ah a chim.
Kahdohnak chung ah hin SAC lei nih hriampi le vanlawng a hman tuk caah tualchungmi a thi le hliam zong an um len tiah theih a si.
Kahdohnak pehtlai in a chuak kho rih mi a si caah Waingmaw khua hrambunh SAC IB 58 sakhaan he naihniam in a um mi hna nih a hlaankan in ralhrial chung dingah KIA nih thawng thanh nak zong a tuah.
