Japan ram ah rian tuan ding in kan in kuat hna lai tiah USDP party mino cheukhat hna cu ralhraang nih an hlen hna ii hram hram in ralkap ah an luh ter hna tiah ralkap luh ter a tawng mi nu le pa hna sin in theih a si.
Ayeyawaddy,Maobin,Phiapone,KyaungKung le Ingme khua in USDP party mino cheukhat hna cu Japan caa cawng ding in Yangon ah kan in kal pi hna lai tiin ralkap cheukhat nih an rak auh hna i Yangon ah kalpi loin Sagaing le Mandalay i ralkap thar training kai nak hmun ah an kalpi hna tiah theih a si. Japan kal nak ding ah Phaisa Sing 25 a dih lai ii training bel thla (6) kai a si lai tiah an thanh.
Naypyidaw telh in Myanmar ramchung hmun kip ah USDP party mino hna Japan kal khawh nak caah tiin MYANMAR SANKOU timi sianginn hun a si i hi siang in chung ii a kai mi minung 62 lak ah 12 cu a rauh hlan ah Japan ah kuat an si cang lai nak zong USDP party nih thanh nak a tuah.
