US Vice- President
Kamala Harris Nih Minunte 85 Chung Acting President Ttuan
American President Joe Bidden ngandamnak zohfelnak a ngeih kar ah Vice- President simi Kamala Harris cu november 19 , nizaan ah Acting president tthutdan a pek chung.
President Joe Bidden cu a pawpi le a rilpi ai thlop ding sii caah mitkuh sii an pek i Vice- President Kamala Harris nihcun minutes 85 chung Caan karlak President a ttuan.
President Joe Bidden tucu a dam tthan cang i a rian/ a tthutdan ah a tthu tthan cang tiah siibawi te nih an thanh.
Tu bantuk in caan karlak rian chan hi khuaruahar ding silo i American ram phunghrampi ning in tuah ttheomi siko tiah White house in biachimnak nawlngeitu nih a chim.
President George W. Bush chan lio 2002 lio ah zong vice- President sin ah caan karlak president rian a rak pek bal ti asi.
BBC
