US Sermi Raltuknak Tank He Tabilan Nih Ralkap Thazaang Langhter
Tabilan nih American sermi raltuknak tank cu i mawngh in le Russia ser Helicopter hna cu van ah zuanter in Afghanistan ram khualipi Kabbul khuapi chung ah November 14 ahkhan a ralkap thazaang langhternak a tuah, Cu nih a langhtermi cu Taliban nih Afghanistan ram an lak hnu in phunglut ralkap ser ding an i zuammi an langhter duhnak asi.
Hi ralkap thazaang langhtertu Taliban ralkap hna hi training a dih tharmi ralkap pawl ansi, Training dih tharmi hi minung 250 an si i Kabbul khuapi 313 Central Battalion in training dihmi ansi tiah Afghanistan ram runvennak vuanci zungin biachimnak nawl ngeitu pakhat nih a chim.
US le ramdang ralkap nih Afghanistan ram an chuahtak tlawmpal August 15 ah Taliban hriamtlai nih Afghanistan ram cu an lak i September thla ah caan karlak cozah a rak ser.
#Mizzima
