US Ram Texas State Primary Sianginn Ah Ngakchia 18 Tel In Minung 21 Pa Pakhat Nih Meithal In A Kah Thah Hna
American ram, Texas State, Uvalde khua Primary sianginn ah May 24 chun ah pa pakhat nih sianginn chung ummi meithal in a kah hna i hngakchia 18 le upa 3 an thi tiah theih a si.
Uvelde khua cu San Antonio khua in meng 80 a hlatnak ah a ummi a si.
Meithal a kaptu hna pa cu kum 18 tleirawl Salvador Ramos a si i palik pawl nih Primary sianginn chung ah an kah thah beh ve tiah Uvalde Mayor nih a chim.
Hi thil a can ruang ah US President Biden nih White House le cozah zung pawl nih ngaihchiatnak langhternak caah thantar (flag) cub a lai tiang lawng thlai ding in nawl a chuah.May 28 tiang thantar cu a lai tiang lawng nan thlai lai tiah a ti hna.
