Kawlram chung chawlehhrawl nak ah a merican dollar fangkhat ah kawlram phaisa Kyats 4,100 tiang a phan i Sui shekel khat ah kyats sing 49 le cheu tiah a phan tiah theih a si.
Tuthla May 8 thok khan sui le dollar man a kai chap than i sui shekel khat ah sin 48 in a tu sin 50 deng a phanh hi a si.
“Vawlei cung sui man hi Sui Ounce khat ah dollar 2350 a si.a tum le a kai zong ah tlawmpal tete khi a si.Kawlram i sui man a kai tuknak cu dollar man a kai caah a si. zei ruang ah dah dollar man a kai ti ah cun kawlram chungah dollar a har chin lengmang,kan ram a buai ruang ah Thailand,Tuluk ramri hna in chawleh nak tuah awk a tha lo tibantuk pawl ruangah a si. SAC kuttang central bank lei nih an van rengh caan ah tlawmpal a tla nain tlawmpal ah a kai than colh. Kawlram chawlehhrawl nak hrim a tlak tuk caah a si” tiah Yangon khua sui dawr tuah tu pakhat nih a chim.
Nihin May 15 ah a merican dollar fangkhat ah Kyats 4030 in 4100 kar ah a um mi a zuar tu le a caw tu kar ah i ruah chih in an i caw.Thailang phaisa bath 1 ah kyats 111 a phan ve i kawlram phaisa cu a tla ngai ngai tiah theih a si.
