Tuluk kuttang um Hong Kong tikulh ah kuat i biaceih a tong ding mi Hong Kong minung a thong leng cu President Joe Biden nih US ram ah thla 18 chung i dornak nawl a pek hna.
Hong Kong ah democracy a aupi mi hna pawl hi Tuluk communist cozah nih an tlaih hna an hrem hna ruang ah US cozah nih an ram ah dornak a pek hna pin ah an ram ah riantuan khawhnak nawl zong pek an timh hna. US ram ah dornak nawl a hmu ding minung cazin hi dikthliar in a fiang rih lo nain, sualnak nganpi a ngei mi hna dah ti lo Hong Kong minung 330,000 hrawng nih US ah dornak nawl an hmuh khawh men, tiah US cozah lei tuanvo ngeitu nih a chim.
US cozah nih hin Myanmar ram zong ah ralkap nih uknak a lak hnu ah Nuhrin covo namneh a tong mi Myanmar ram mi hna US ram ah caan karlak i dor khawhnak kha 2021 May thla in khan a rak hon cang.
(Ref:VOA)
