UN Security Council meeting ah kawlram dirhmun ai thleng hlei lo
Nizan july ni 29 ni ah tuah mi tulio Myanmar boruak kong ah un security council meeting tuah mi cu nuhrin covo ngiathlai HRW Bu tu nih kan duh lo tiah an langh ter.
Ralhrang nih thlaruk chung nawl ngeih nak lak ruang ah mi thongtam pi nih an I thih pi lio le nuhrin covo buar in mi athah nawn cuah mah lio ah kawlram kong ah biakhiah nak pakhat te hmanh tuah khawh lo cu ningzat tuk an si hman awk an tlak lo ti ah HRW Louis Charbonneau nih a chim.
Mah bantuk in inn kakhar meeting va tuah sawh sawh nak nih zei hmanh thlen nak achuah pi lai lo, atak in an tuan lawng ah hmual nei mi asi lai ti ah achim, kawlram ralhrang cu vawlei cung ram pawl nih hriam nam zuarh ti lo ding ti mi biakhiah nak cu aran nak in tuah piak zau le ralhrang he apehtlai mi chawleh thal nak viar te cu phih khar dih ding in achim chap.
VOA Burmese
