UN Ah Myanmar Palai Kan Ngei Lo Kho Men
Vawleicung ram 193 telnak United National (UN) ah Myanmar le Taliban (Afghanistan) aiawhtu Palai cu December 1 ah tuahmi UN Credentials Committee meeting ah biachah lo dawhdang a si tiah thawngpang a leng.
Myanmar ralhrang le Taliban nihcun anmah aiawh ding ah UN ah palai min an pek bang in thlak a tongmi Cozah zong nih zuamcawh in UN ah Palai min an pek ve caah UN nih Palai a thim piak hna tik ah Vawleicung ram vialte hngalh in Cozah puitling ah cohlannak lam pakhat bantuk ah a van dir.
Cucaah Myanmar le Afghanistan ram UN aiawh tu ding cu tuni December 1 ah ram 9 in sermi Credentials Committee nih caihkhan loin nicaan an thawn khawh men tiah Reuters nih a ttial.
