Japan cozah nih Ukraine ralzam minung 20 cu April 5 ahkhan an ramchung ah dornak nawl a pek hna i Khualipi Tokyo an phan, hihi kum saupi Ralzam a cohlang lomi Japan nih nawlnolh in ralzam a cohlan hna asi.
Japan Foreign Minister Poland a tlawn lio i an i ceihhmai bantuk in Ukraine rammi 20 kum 6 in kum 66 kar cu cu vanlawng in a lak hna i hi a phan tharmi Ukraine ralzam hna cu Japan ram a rak phan cangmi Ukraine rammi 400 he an i fonh lai, Hi Ukraine rammi 400 hna hi Japan ram ah ni 90 (thla 3) visa in rianttuan ah a rami an si hna i rambuai ruang ah visa sauh piakmi an si hna.
Japan cozah nih Ukraine rammi ralzam a lak chap ding le lakchaplo kong ah biafiang a thanh rihlo nain Japan rammi tampi nihcun an ramchung ah Ukraine ralzam tampi dornak nawl pek in an duh.
