U Jimmy le U Phyo Zeya Thaw telh in minung 4 cu thih dan pek an si cang tiah SAC nih a thanh
88 siangngakchia hruaitu a simi U Kyaw Min Yu @ U Jimmy, NLD hluttaw palai hlun a simi U Zeya Thaw, mipi 2 a simi U Hla Myo Aung le U Aung Tu Ya Zaw minung 4 hna cu an sualnak an in cang tiah SAC nih July 25 ah a thanh.
Cu pali cu a luan cia 2021 March 14 thok in hriam he tlaih an si timi le a kai tharmi cozah an doh timi sawlphawtnak in SAC nih pohhma ၄၉(က), ၅၀(ဈ), ၅၀(ည) pawl in thih dan an pek hna.Thongtla phung ning tein sualnak pek dantat an si cang tiah SAC nih news in thawngthanh nak an tuah.
Cu pali cu July 24 (ninga ) ni ah chungkhar pawl hen voikhat nak online in tonternak an ngei tiah theih asi. U Jimmy hi Kum 2021 October thla ah North Dagon peng Pinlung inn le U Phyo Zeya Thaw hi Kum 2021 November 21 ah Dagon Seik Khan peng, Yadana HninSi inn ah hriamnam pawl hen an tlaih hna ii 2021 January 21 ah SAC ralkap nih a tubantuk in thih dan an pek hna hi a si.(Crd.The Irrawaddy-Burmese Edition)
