Sagaing ramthen,Tamu peng Khanpat khua palek sakhaan le Yazagyu-2 ralhraang sakhan cu tualchung hriamtlai phu nih nihin November 3 zinglei an laak khawh cang tiah theih a si.
Nihin November 3 zinglei slm 4:00 tluk ah Kalay peng chaklei le thlanglei ah sakhaan laak kahdoh nak thok a si ve cang tiah theih a si.
“Zinglei slm 4:00 hrawng ah Yazagyu thonginn pawng hrawng in kahdoh nak thawng kan theih, ralhraang nih hriamngan zong ah kah caah Latpanchaung khua zong ah a tla,khua mi hna an zaam hna”tiah tualchung mi pakhat nih Zalen ah a chim.
Kalay peng chaklei Yazagyu thonginn le thlanglei Myauksi khua ralhraang sakhan cu tualchung hriamtlai phu hna nih zinglei slm 3 hrawng khan kah an thok I an laak,khampat khua palek sakhan zong laak a si tiah tual chung mi hna chim nak in theih a si.
Ralhraang hna an tuar a fah caah tuzing slm 8:57 ah kalay peng chaklei NanGin khua ah Jet Fighter in bomb a thlak tiah kan theih.
Hriamngan tlak ruang ah Latpah chaung khuami pakhat hliam a tuar I Nanchaung le pyaukchaw lei zong ah hriamngan an tla nain aa hliam an um hraw lo tiah theih a si.
