Chin ramkulh,Tonzang in meng 3 tluk aa hlatnak ah a um mi Nakzang khua um SAC check gate sakhaan pakhat cu Chin National Army – CNA le CDFs ttangti phu hna nih nizan May 17 zanlei sang ah an laak tiah theih a si.
“Nakzang khua pawng,Manipur hlei i SAC check gate sakhaan cu CNA le CDFs ttangti phu hna nih nizan zinglei sang in kah hram an thok i zaanlei slm 5 tluk ah tlamtling tein an laak khawh.” tiah CNA he naihniam in a um mi pakhat nih a chim.
Kahdohnak chung ah SAC ralhraang nih vanlei in bomb lung 2 a rak thlak caah minung thi le hliam cu an um lo nain Nakzang khuate inn cheukhat a rawk tiah Tonzang peng mizapi ukhruaitu phu nih an thanh.
May 16 thok khan Tonzang khuapi hrambunh SAC ralhraang sakhaan le hmun an khuarnak a si mi Administration zung le meithat zung hna cu CNA le CDFs phukomh hna nih tuk hram an thok tiah theih a si.
