Sagaing ramthen, Tigyaing peng Pyinsu khua pawng nizan October 13 kahdoh nak fak piin a chuak i SAC (20) leng an thi,Nihin October 14 zong pehtlai in kahdoh nak a chuak tiah theih a si.
Katha le Tigyaing ramri in a rak lut mi ralhraang thazaang (100) tluk cu Tigyaing peng Sadwingyi le Pyinsu khua kar an phak ah KIA le PDF phufonh hna nih an kah hna hi a si.
“ Bomb 2 khengte nih a khen hna,20 nak tlawmlo an thi,ralbawi chekhat zong an i tel tuchun cu Minwon tlangcung lei ah an kai” tiah Kahdoh nak chung ah aa tel mi PDF pakhat nih People Spring ah a chim.
October 13 kahdoh nak a fah cinling chun slm 12:00 pm tluk ah SAC jet fighter nih bomb voi (2) a rak thlak,minung aa hliam kan um lo nain Phungkisianginn pakhat a rawk.Aluancia August 20 le 21 ah PDF le KIA ttangti phu hna nih Tigyaing peng Kwingyi khuapawng ah an rak kah hna caah SAC battalion commander (1) telh in 9 an rak thi i 15 nih hliam an rak tuar. Ralbawi pakhat zong a nung in tlaih a rak si.
Cutin a tuar fak mi ralhraang hna nih mipi cung ah hramhram in thilthalo an tuah chinchin caah Mizapi i ralring ding in mipi sinzong ah theihter nak an tuah chih.
