A voi 76 Nak independence day camtuak ah Myanmar ramchung hmun kip in thongtla minung 9652 le ramdang mi 114 kan thlah hna tiah SAC lei nih nihin ah an thanh.
A tutan thlah mi hna nih sualnak an tuah than a sic un a tang mi an thongtlak ding ning tein thlak than an si lai tiah an langhter. Ramdang mi minung 114 zong zong an thlah hna i ram chung in chuahter colh an si.
Nihin thlah than mi hna chung ah ramkhel kong ah thong a tla mi minung zeizat an i tel bel theih khawh a si rih lo.
“Section 505 (A) in tlaih mi le a thongtlak caan a dih deng mi hna an thlah hna lai tiah kan theih,ka hawipa zong itel ve seh ti ka duh ngai,thawng pang kan hlat cuahmah ko” tiah thongtla pakhat i a hawi nih Zalen ah a chim.
SAC nih hramhram in uknak a laak hnu in ramkhel kong ah tlaih khih a tong mi minung 19930 an si cang tiah ramkhel kong ah thongtla hna a zohkhenh tu AAPP nih a thanh.
