August 17, SAC phu nih nawlngeihnak a lak thla 6 chung ah SAC ralkap 1500 tluk nih CDM an tuah i SAC phu doh than ding ah aa tim mi an si, tiah CDM tuah a duh mi hna bawmtu Captain (Bogyi) Lin Htet Aung nih a chim.
“Nawlngeihnak an lakkate khan chuah a duh mi an tampi. Atu hoi cu COVID-19 kha aruang chia in lengchuah an kham hna. Zalong tein chuah khawh sisehlaw ralkap a taang ding mi hi cu thlahlawh, rank (position) a hngilhnganh mi, Ram puanlaang/thantar (flag) tlaitu le lutlai pawl lawng an taang cang lai,” tiah Captain Lin Htet Aung le Yangon ah rian a tuan lio mi Captain pakhat nih an chim.
Hihi nawlngeihnak lak hnu lawng ah a si lo. Nawlngeihnak laak hlan hrimhrim khan ralkap chung ah aa nuam mi hi kutdong khiah khawh zat lawng an si lai, tiah Captain Lin Htet Aung nih a chim fawn.
#Crd Myanmar Now
